حالة من الجدل الواسع، أثارتها الفنانة شيرين عبد الوهاب، الساعات الماضية، بعد تصريحات نارية لها عن زوجها الفنان حسام حبيب، عبر برنامج كلمة أخيرة مع الإعلامية لميس الحديدي، والتي أحدثت ضجة واسعة على وسائل التواصل.
وعلقت شيرين، على تصريحات والد حسام حبيب بشان إدمانها للأدوية، قائلة: “ابوه هو المتحدث الرسمي لعلاقتنا ودي شغلته تقريبًا.. وأنا لو أدمنت الأدوية زي ما بيقول هيكون السبب عيشتي مع حسام وأني تعبت وتخنت بسببه”.
بعدما وصفها بالمدمنة.. شيرين ترد بقوة وتلقن والد حسام حبيب درسًا قاسيًا
وتابعت: “انا من القلعة وممكن أروح بيتهم وأكسر العمارة بإيدي، أنا دفعت فلوس شقة أم حسام حبيب وأهله لأني بنت أصول وكنت بدي فلوس لأمه لأن كانت هتعيش منين؟ وبعد كل دا بيسرق عربيتي ويهددني.. إيه الفجر دا؟ “.
من جانبه، قال حسام حبيب من خلال تسجيل صوتى عبر برنامج Et بالعربى :” هيكون في إجراء قانوني وأنا عمري ما دافعت عن نفسي وعمري متكلمت وده كلام مرسل والكلام اللى هرد به كلام بالمستندات”.
وأضاف حبيب :”بحاول احافظ على سمعتها وبيتها ومكنتش بتكلم لكن دلوقتى هضطر اتكلم”.
وتابع حسام حبيب :” هتكلم بحقائق تثبت ان الكلام ده كله تهديد وابتزاز منها عشان اسمع الكلام وبتهدد ديما بجمهورها ..وهرد فى الاعلام كله بحقايق وقانوني”.
